Kateqoriyada 67 aforizm var:

Həyatda ən böyük xoşbəxtlik — insanların sizi özünüzə görə sevdiklərinə əmin olmaqdır.

Diş ağrısıyla əzab çəkən insan, dişləri ağrımayan hər kəsi xoşbəxt hesab edir. Eyni səhvi kasıb da zənginlər haqqında edir.

Ağılla yaşanan həyatın sonu xoşbəxtliklə bitir.

Gözəl bir qadın - gözə, yaxşı bir qadın ürəyə xoş görünər. Birincisi brilyant kimi, amma keçici, ikincisi xoşbəxtlik qədər həqiqidir.

Əslində insanı ən çox incidən şey məyusluqlar deyil. Yaşanması mümkün ikən, yaşaya bilmədiyi xoşbəxtliklərdir.

Əriməyən buz olmadığı kimi, ömürlük xoşbəxtlik də yoxdur.

Xoşbəxtliyə malik olmaq azdır,
Ona layiq olmaq lazımdır.

Yayda İşləməyən Qışda Dişləməz

İnsanın təriflənəsi bir şeyi olmayanda öz bədbəxtliyi ilə öyünməyə başlayır.

Tamahkarlıqla xoşbəxtliyin bir-birini tanımadığına təəccüblənməyin, çünki onlar heç vaxt rastlaşmayıblar.

Dərdi verən dərmanını da verir.

Ləyaqətli insanın ürəyi xoşbəxtlik anlarında yumşaq, fəlakət anlarında sərtdir.

Xoşbəxtliyi dadmağın ən yaxşı yolu onu paylaşmaqdır.

Xoşbəxtlik ən azı bir dəfə hər qapını döyür.

Xoşbəxt o adamdır ki, xoşbəxtlik axtarmağa ehtiyacı yoxdur.

Yalan ilə qurulan yuvanın səadəti də yalandır.

Dərdi biləndən soruş.

Məsləhətlərimizlə yardım etdiyimiz insanların xoşbəxtliyi bizi o qədər də
maraqlandırmır.

Ağıllı öz uğursuzluqlarının səbəbini özündə, nadan isə başqalarında axtarır.

Xoşbəxtlik indiki gerçəyin keçmişin arzularına uyğun gəlməsidir.

Qəlb bədbəxtliyi bəlkə də
gizlədə bilər, amma xoşbəxtliyi gizlədə bilmir.

Xoşbəxtliyi daxilində tapmaq çətindir, kənarda isə o sadəcə olaraq yoxdur.

Başqalarının xoşbəxtliyi üçün çalışmaqla biz öz xoşbəxtliyimizi tapırıq.

Kinli adam xoşbəxt ola bilməz.

Xəyalda elə tərəf var ki, o, gerçəklikdən yaxşıdır; gerçəklikdə elə tərəf var ki, xəyaldan yaxşıdır. Tam xoşbəxtlik bunların ikisinin bir araya gətirilməsidir.