Müəllifə aid 12 aforizm var:

Əvvəl məhəbbət, sonra nikah: əvvəl alov sonra tüstü.

Xoşbəxtliyi daxilində tapmaq çətindir, kənarda isə o sadəcə olaraq yoxdur.

Böhtan zəhlətökən eşşək arısına oxşayır: onu yerindəcə öldürəcəyinizə əmin deyilsinizsə, qovmağa da çalışmayın. Yoxsa o, yenidən, özü də daha böyük qəzəblə üstünüzə hücum edəcək.

Üç növ yalançı var: xam yalançı, and içən yalançı və heç vaxt yalan söyləmədiyini iddia edən yalançı.

Çox böyük ləyaqətlər insanı cəmiyyət üçün faydasız edir: bazara qızıl külçəsi ilə getmirlər, bazar üçün kağız pul, ələlxüsus da xırda pul lazımdır.

Vüqar sanki insanın boyunu ucaldır, şöhrətpərəstlik isə üfürüb şişirdir.

Cavanlıqda bilik ağacı əkməsək, qocalanda kölgəsinə sığınası ağacımız olmaz.

Ən varlı adam qənaətcil, ən yoxsul adam isə xəsis adamdır.

Dələduzlar həmişə təmiz adam kimi görünməyə çalışır və çox vaxt buna nail olurlar.

Əqidə ağlın vicdanıdır.

Kamil insan bu dəyişkən dünyaya nikbin nəzərlərlə baxır və onu olduğu kimi qəbul edir. Hətta köhnə adət və ənənələrin müasirliyə uyğun gəlmədiyini görsə belə, onlara hörmətlə yanaşır.

Fürsət adamın qapısını iki dəfə döyməz.