Kateqoriyada 72 aforizm var:

Əqrəb nöqtə-nöqtə ruhumu sancmış,
Fəsildən-fəsilə girdim beləcə.
Gördüm ki, alovda, atəşdə yoxmuş,
Fikir çiləsindən böyük işgəncə

Zamanı çatan bir fikrin gücünə heç bir ordu tab gətirə bilməz.

Qısa və aydın ifadə edilmiş fikir həyatın yaxşılaşmasında daha çox kömək göstərə bilər.

İşini fikirləri ilə, fikirlərini işləri ilə yoxlamağa adət etmiş adam səhv etməz. Səhv etsə də yenə o tezliklə həqiqət yolunu tapar.

Öz fikrini dəyişə bilməyən, heç nəyi dəyişə bilməz

Ağıl ürəyin kölgəsidir.

Məftunluq ürəyin yerində olduğuna, məftunluqdan xilas ola bilməmək əqlin yerində olmadığına dəlalət edir.

Özünü tapmaq üçün əvvəlcə özünü itirmək lazımdır.

Açıq şey gözün, örtülü şey fikrin diqqətini çəkir.

Ağılsız başın əziyyətini ayaq çəkər.

Hikmət sirdaş olub qala biləydi,
Zəngli saat kimi çala biləydi,
Gen gündə Gün kimi aydın olanı
Məqamda yadıma sala biləydi.

Vəcd şimşək kimidir. Ani olaraq bütün qaranlıqları yox edir.

Zamanı çatan bir fikrin gücünə heç ordu da tab gətirə bilməz.

Tənbəlliyin ən çox yayılmış növü fikir tənbəlliyidir.

Fikir nə qədər dəyərlidirsə, onu gerçəkləşdirmək də bir o qədər çətindir.

Ağlın qələbəsi – hissin, hissin qələbəsi – ağlın məğlubiyyətidir.

Sonsuzluğu, əbədiyyəti məntiqlə dərk etmək mümkün olmadığı kimi, duyğu ilə də ehtiva etmək mümkün deyil.

İdrakı rəmz edib bir gül sandılar,
Aqil olanları bülbül sandılar,
Vaxt keçdi, rəmz itdi, sonra gələnlər,
Təkcə bülbül ilə gülü andılar.

Qaranlığı günahlandırmaqdansa, bir şam yandır.

Fikrin məntiqi ilə həyatın məntiqi heç də həmişə üst-üstə düşmür.

Şamını gündüz yandıran gecə qaranlıqda qalar.

Fikir – uzun gecənin qaranlığında ani bir parıltıdır. Amma bu parıltı hər şeydir.

Fikir cövhərini odda yapmasan,
Soyuq düşüncədən şəfqət sönəcək.
Sevgi atəşinə hikmət qatmasan,
Kərəmlər yanaraq külə dönəcək.

Bizə könlümüz ağlımızdan daha yaxındır.

Viruslardan daha qorxulusu immunitetin yoxluğudur.