Kateqoriyada 95 aforizm var:

Həyatın öhdəsindən gəlmək üçün bir inanca ya da dinə bağlanmaları lazım olduğunu düşünən insanlar məncə qorxaqlıq edirlər; eyni rəftarı başqa bir mövzuda göstərsələr bu alçaldıcı bir vəziyyət olardı. Lakin mövzu din olduqda bu heyranlıqla qarşılanır, amma mən hansı mövzuda olursa olsun qorxaqlığa heyranlıq duymuram.

İnsanın mayası ağıldır. Ağlı olmayanın dini də olmaz.

Mən dinə bir xəstəlik, insan irqi üçün adı qoyulmamış bir səfalətin qaynağı kimi baxıram.

Xatırladığım qədəriylə, müqəddəs kitablarda zəkanı tərifləyən tək bir söz belə yoxdur.

Mənim ibadətdən ən çox zövq aldığım zaman, qarnımın kürəyimə yapışdığı ac zamanlarımdır.

Mən yaxşılıq edəndə özümü yaxşı hiss edirəm. Pis hərəkət edəndə özümü pis hiss edirəm. Budur mənim dinim.

Haqqı qəbul və elan etmək islami yaşayışın əsasını təşkil edir.

Mən həmişə Mühəmmədin dinin onun möhtəşəm canlılığı üçün yüksək qiymətləndirmişəm. Bu mənim üçün yeganə dindir ki varlığın dəyişən hər mərhələsinə uyğunlaşma qabiliyyətinə malikdir ... mən onu tədqiq etmişəm - gözəl insan, nəinki Anti-Məsih olmasından uzaq, hətta mənim fikrimcə, o insanlığın xilaskarı adlanırılmalıdır.

Kainat nə qədər böyük və onun müxtəlifliyi nə qədər çox olsa da, o hər şeyi ehtiva edən ilahi bir qüvvənin sayəsində vəhdətdədir. Onun sayəsində bütün bu dünya ilahiləşir.

Ruh dünyasının dərinliklərinə
ancaq dini hissin köməyi ilə girmək mümkün olur.

Kimin inamı zəifdirsə, o başqalarını da inandıra bilməz.

Dinin fəlsəfədən bir fərqi də odur ki, burada ideya iradə ilə vəhdətdədir. Bu baxımdan din ideologiya iləeyni tərtibli hadisədir.

Mənim biliklərim bədbin, inamım – nikbindir.

Adam var ki, inanmaq istəyir, amma inana bilmir. Adam da var ki, inanmaq istəməsə də inanır.

Allahı sevməyin yolu onun yaratdıqlarını sevməkdən keçir.

Məntiqi ilahiləşdirənlər ilahi hissdən məhrum olurlar.

Gözlərə görmə qabiliyyəti
könüldən, könülə isə ilahidən verilir.

Mənim gözüm Allahın təcəllisini təkbaşına istəmir; cəmiyyət olmadan Allahın təcəllisini görmək xətadır.

Ölçülməzi ölçə bilməz ölçülər.

Ateizm nazik buz qatıdır: onun üstündən bir nəfər keçə bilər, amma xalq guppultu ilə uçuruma düşəcəkdir.

Yaradana inanmağın ən mühüm şərtlərindən biri insanın öz yaratdıqlarının da Yaradan tərəfindən yaradıldığına inanmasıdır.

İnsan ömrü boyu tamamlanmağa, bütövləşməyə, Vahidə can atır.

Zirvədə – vəhy məqamında din elmlə birləşir.

Elmlə din arasında ziddiyyət o zaman yaranır ki, onlar təyinatını unudub bir-birini əvəz etmək istəyir.

İnsanın qəlbini göstərməz paltar,
Yazan özü bilər kağızda nə var.