Kateqoriyada 42 aforizm var:

Qardaşın qanını alma qardaşdan,
Tamam ayrı şeydir çünki südlə qan.

Sel gedər daş qalar,
El gedər qardaş qalar

Qardaşlar ölümə vuruşanda, atalarının əmlakı başqasına miras qalır.

Qazıdan qardaş olmaz.

Qardaşın qanını alma qardaşdan
Tamam ayrışeydir çünki südlə qan.

Qardaşının sənə etdiyi nəsihəti qəbul et. Ona müxalif çıxma. Çünki o, sənin özündə görə bilmədiyin şeyləri görər. Bunun üçün Rəsulu əkrəm: "Mömin, möminin aynasıdır" buyurmuşdur. Mömin, din qardaşına etmiş olduğu nəsihətlərdə səmimidir. Onun görə bilmədiyi şeyləri bildirər. Ona, yaxşılıqlar və pisliklər arasındakı fərqi göstərər. Ona, lehində və ya əleyhində olan şeyləri izah edər.

Öz qardaşına baxıb mehribanlıqla gülümsəmək – savabdır; insanı xeyirxah hərəkətlərə sövq etmək və qanunsuz işlərdən çəkindirmək savabdır. Nabələd adamlara yol göstərmək və korlara kömək etmək savabdır.

Qardaşın (öz din) qardaşına olan gizli duası rədd ediləsi deyil.

Bir şəxs özü üçün istədiyini din qardaşı üçün də istəmədikcə mömin olmaz.

Birlikdə qardaş kimi yaşamağı öyrənməliyik, yoxsa birlikdə axmaq kimi öləcəyik.

Qardaş dost olmaya bilər - amma dost həmişə qardaşdır.

Dünya kiçik, insanlar qardaş.

Biri digəri qədər zəngin olunca, qardaşlar bir-birlərini sevərlər.

Qardaş qardaşın yoxluğun istər, ölümün yox.

Qan qardaş olsada, mal qardaş deyil.

Duz-çörək deyiblər, düz çörək yeyiblər.

Üzük tanınar qaşı ilə, qız – qardaşı ilə.

Gedənə – yoldaş, gələnə qardaş.

Bir dəfə gəldin – yoldaş, iki dəfə gəldin – qardaş.

Dığ-dığ qardaşı qardaşdan ayırar.

Yoldan irəli – yoldaş, evdən irəli – qardaş.

Yolda yoldaş, evdə qardaş.

Yaxşı dost qardaşdan əzəldir.

Oğul ölümü göz tökər, qardaş ölümü bel bükər.

Oğul ölsə ciyərim yanar, qardaş ölsə belim bükülər.