Kateqoriyada 82 aforizm var:

Sözün düzün, yalançıdan öyrən.

Üzüm qaradırsa, alnım açıqdır.

Siçana araq versən, pişikdən pasport istər.

Bir abbası verdik dindirdik, bir manat verib susdura bilmədik.

Düz söz – bir söz.

Düz əyrini kəsər.

Düz danışanla dost ol, səni tərifləyənlə yox.

Duanı biz eləmişik, yağış gör hara yağır?

Doğruluqla dost qapısın dolan gəz, öz evindir.

Doğruluq dost qalasıdır.

Doğru söylə, at min çap.

Doğru söz acı olar, nəticəsi şirin.

Doğru ol, asan yol ilə get.

Doğru elə bilər hamı doğrudur, əyri elə bilər hamı əyridir.

Doğru deyənin başı keçəl olar.

Doğru büdrər, amma yıxılmaz.

Yeməklə doymadın, yalamaqla doyacaqsan?

Yalançının mənzili olmaz.

Yalançının ipiylə quyuya düşən quyuda qalar.

Yalanınçını evinəcən qovarlar.

Yalan ayaq tutar, doğru bir yanda qalar.

Şər sevən - yalan, şər gətirən – gerçək.

Süd gölündə üzür.

Suyun lal axanı, adamın yerə baxanı.

Pöşəngin axırı torbakeş olar.