Kateqoriyada 21 aforizm var:

Aclıq gələndə - abır gedər.

Abırsız qonaq ev yiyəsini qonaq elər.

Abırlı olmağın ən ucası insanın özü-özündən utanmasıdır.

Abırlı abrından qorxar, abırsız nədən qorxar?!

Abır istəsən çox demə, sağlıq istəsən çox yemə.

Abır-həya olan yerdə bərəkət də olar.

Abır harda, çörək orda.

Həyasız adama qarşı sərt rəftar
Yumşaq davranmaqdan faydalı olar.

Kimsənin dalınca söyləmə yaman,
Utanma üz-üzə gəldiyin zaman.

Xəcalət gətirən bir peşə əlbət,
Peşə sahibinə çəkdirər zillət.

Zülmkarlıq dağıdar, bərbad eylər ölkəni,
Ədalət sədaqətlə abad eylər ölkəni.

Bacımın örtüsü batmaqda rəzilin gözünə..
Acırım tüpürcəyə billahi tüpürsəm üzünə..
Mədəniyyət dediyin əgər açmaqdırsa bədəni.
Desənə heyvanlar insanlardan daha mədəni..!

Həya-insani dəyərlərin tamamlayıcısıdır.

Həyalı insan zalım olmaz.

İnsan özü-özündən həya edə bilsəydi, təkcə gizli qalmış yox, hətta hər kəsin içində açıq şəkildə törədilmiş nə qədər cinaəyət törədilməmiş olardı

Həya insanın ruhunun əsasıdır. İnsanı insan olaraq mühafizə edən də budur.

Həya bütün yaxşılaqların açarıdır.

Həya və iman bir beşikdə iki körpə kimidir.

Ədəbi kimdən öyrəndin? Ədəbsizdən.

Həyası olmayanın imanı yoxdur.

Həyanın ən yüksək zirvəsi insanın özü-özündən həya etməsidir.

Abırlı abırından qorxar, abırsız nədən qorxar?
(Abırlı abırından çəkinər, abırsız nədən çəkinər?)

Abırını yeyib, həyasını da belinə bağlayıb.

Abır harda, bərəkət orda.

Həyasızda insaf olmaz, insafsızda – həya.