Kateqoriyada 29 aforizm var:

Qarğadan göyçək quş istədilər, öz balasın göstərdi.

Ulu sözünə baxmayan, ulaya-ulaya qalar.

Səhrada gül bitməz, cahilə söz yetməz.

Yoldaşın sözünə inan, özünkündə dayan.

Yol bilmirsən, yola gəl.

Sür get deməmişlər, gör get demişlər.

Peyğəmbər əvvəl öz canına dua edib.

Özgəyə it hürər, bizə Mazandaran çaqqalı.

Məsləhətsiz görülən işdən xeyir olmaz.

Məsləhətlə tikilən don gen olar.

Hər dəlləyin əlinə saqqal vermək olmaz.

Dəmirçinin ömrü tax-taxla, leyləyin ömrü lağ- lağla keçər.

Dəliyə yüz öyrət, öz bildiyini eylər.

Bu ilki sərçə bildirki sərçəyə cik-cik öyrədir.

Böyüyün sözünə baxmayan gəzə-gəzə qalar.

Baş olmayan gövdə leşdir.

Adamı işi ilə tanıyarlar.

Gülər üz, dadlı dil ilanı yuvadan çıxardar.

Qaraya sabın, dəliyə öyüd neyləsin?

Kim eşşək olar, biz ona palan olarıq.

Hər şey ustasının əlindədir.

Eşşəyə buynuz versən, vurar ölkəni dağıdar.

Eşşək palçığa batandan sonra yol göstərən çox olar.

Çarvadara yol göstərməzlər.

Başmaq cütlənəndə məlum olar.