Seçilmiş və məşhur aforizmlər

Qadına əsas şey həya, ismətdir
Bunlar qadın üçün böyük sərvətdir.

Adam var ki, adamların naxşıdır,
Adam var ki, heyvan ondan yaxşıdır,
Adam var ki, dindirərsən "can" deyər,
Adam var ki, dindirməsən yaxşıdır.

Sənə vur dedilər, öldür ki, demədilər.

Çox gözəl olsa da eybi gizlətmək
Dost dostun eybini örtməsin gərək.

Hər millətin tərəqqisi və fəaliyyətinin başlıca amili elm və əxlaqdır.

Elmi olub, ağlı olmayan adama elm əziyyət verər.

Tənbəl deyər: ver yeyim, ört yatım, gözlə canım çıxmasın.

Hər kəs ağlar, amma analar başqa cür ağlar.

İki adam öldü və dünyadan həsrət getdi:
biri yığdı yemədi, digəri bildi eləmədi.

Pulsuz günə pul saxla, savaşanda barışmağa üz saxla.

Dəymə mənə, dəyməyim sənə!

Davada qılıncı borc verməzlər.

Dosta borc pul vermə, hər ikisi əldən gedər.

Yaxşılıq ağac başında - tutmaq çətin, yamanlıq ayaq altında - atmaq çətin.

Yersiz - el yetim,
Elsiz - yer yetim.

Yoldaşın içi ağlar, üzü gülər, yağının içi gülər, üzü ağlar.

Zəif olan, heç bir zaman bağışlamaz.
Bağışlamaq böyük insanların bir hünəridir...

Adam var ki, bir çörəklə min iti dolandırar, adam var ki, min çörəklə bir iti dolandıra bilməz.

Adamın qorxusundan doğrunu demək olmur, Allahın qorxusundan yalanı.

Şərəflə bitirilməsi lazım olan ən ağır vəzifə, həyatdır.

Sənət üçün soyunanı alqışlayanlar, Allah üçün geyinənə niyə zülm edər?

Başında şir duran qoyun sürüsü daha qorxuncdur, nəinki başında qoyun duran şirlər.