Müəllifə aid 25 aforizm var:

Qüdrətli olmaq zəifi öz səviyyənə qaldıra bilməkdir.

Bütün ölkələr üçün vahid universitet modeli ola bilməz. Hər bir universitet öz ölkəsinin ictimai həyatının üzvi hissəsi kimi formalaşmalıdır.

Faktlar çoxdur, həqiqətsə - bir.

Ədəbiyyat dünyanı insan qəlbinin işığı ilə nurlandırdı.

Göylərdə süzən eşq var.
O, qəlbə od qoyur. Amma elə eşq var ki,
gündəlik işlərin mayasına qatılır.
Bu eşq ailəyə hərarət gətirir.

Yanlışların üzünə qapı bağlananda həqiqət də bayırda qalır.

Ürəkdə doğulan bir hiss şeir libasına bürünməklə üzə çıxmağa çalışır.

Tumurcuq sevəndə çiçək olur, çiçək sevəndə – bar.

Gözəllik duyğusu aşılamadan mükəmməl insan yetişdirmək olmaz.

Ey könül quşu, kor olsan da, unutma ki, qanadların var!

Bizim yaradıcılığımız dünyanın Allah tərəfindən yaradılması prosesində kiçik variasiyalardan ibarətdir.

İnsan öz fərdiliyini nə qədər çox biruzə verirsə, o qədər də bütün mövcudatla birləşməyə can atır.

Bu dünya gözəlliyin musiqisi ilə ram edilən coşğun fırtınalar dünyasıdır.

Ey qadın! Sənin gülüşün dirilik bulağının musiqisidir..

Bir işim olmayanda, mənim hərəkətsizliyimdə, suları sakit olan dəniz sahilinin axşamı kimi, dərin bir sükunət və asudəlik var.

Qəlbim öz nəğmələrinin coşan dalğaları ilə günəşli günün bu yaşıl aləmini oxşamağa can atır.

Yalan nə qədər qüdrət sahibi olsa da əsla həqiqət ola bilməz.

Bu gün qəlbimdə vətən həsrəti var: zaman dənizləri ardında orada bircə xoş saat arzulayıram.

Həyat dənizdə bir səyahətdir ki, biz burada eyni kiçik bir gəmidə rastlaşırıq. Ölməklə biz sahilə çatır və başqa-başqa aləmlərə yönəlib bir-birimizdən ayrılırıq...

Sən məni gündüzün izdihamlı zəvvarlığından axşamın tənhalığına gətirdin. Bunun mənası nədir? Gecənin sükutu içində bunu anlamaq istəyirəm...

Qəlbim tutqun bir sükut içində mətbəx çəyirtkəsinin cırıltısını eşidir. Bu səsin boz alatoranlığıdır.

Ey dostum! Doğan günəş sənin böyük qəlbini şəfəq söküləndə tənha dağın qarlı zirvəsi kimi işıqlandırmışdır.

Dünya axıb getmir, çünki ölüm yarğan deyil.

Təriflənmək məni utandırır, çünki gizlində onu arzulayıram.

Ey gənc qız! Sənin sadəliyin gölün şəffaflığı kimidir, o sənin sədaqətinin dərinliyini göstərir.